ކޮގްނިޓިވް ލާރނިންގ ތިައރީ

       ޕިއާރޖޭގެ ކޮގްނިޓިވް ލަރނިންގ ތިއަރީއަކީ މައިގަނޑު ގޮތެއްގައި ވިސްނުމުގެ މައްޗަށް ބިނާވެފައިވާ ތިއަރީއެކެވެ. އެހެންކަމުން ކްލާސް ރޫމެއްގައި މުދައްރިސަށް މިތިއަރީގެ ބޭނުން ހިފުމަކީ މާއުނަދަގޫކަމަކަށް ވެގެން ނުދާނެއެވެ. މިތިއަރީ ބުނާގޮތުން ކުދިންނަށް ކުރިން އެނގިފައިވާ އެއްޗެއްގެ މައްޗަށް ބިނާކޮށް އައު މަޢުލޫމާތުތަކެއް ދިނުމަކި އޭގެ ސަބަބުން ކުދިންނަށް އެ ފިލާވަޅެއްގެ މައުލޫމާތު ލިބިފައިވަނީ ކިހާމިންވަރަކަށްތޯ ބެލުމަށްފަހު އެކުދިންނަށް އެނގިފައިވާ މައުލޫމާތުތަކުގެ  މައްޗަށް ބިނާކޮށް އެއާއި ގުޅުވާލައިގެން އާ މައުލޫމާތުތަކެއް ދެވިދާނެއެވެ. އޭރުން ކުދިންނަށް އެފިލާވަޅެއް އޮޅުން ފިލާލެއް އަވަސްވެގެންދާނެއެވެ.

      އުނގެނުން ބިނާވަނީ ކުރިން އެނގިފައިވާ އެއްޗެއްގެ މައްޗަށް އަލަށް ދެނެގެނެވޭ އެއްޗެއް ގުޅުވައިލެވިގެންކަމަށް ޕިއާޖޭ ހާމަކުރައްވައެވެ.  މިތިއަރީގެ މައިގަނޑު މޮޑެލަކީ އިންފޮމޭޝަން ޕްރޮސެސިން ތިއަރީ (އައި.ޕީ.ޓީ) ނުވަތަ އިންފޮމޭޝަން ޕޮރޮސެސިން މޮޑެލް (އައި.ޕީ.އެމް) އާއި މި ވިސްނުމުގެ މާހައުލުން މަޢުލޫމާތު ވަންނަ ތިން ޖާގައެއް (މެމޮރީ) ހިމެނެއެވެ. އެއީ:

·         މަޢުލޫމާތު އަލަށް ރަޖިސްޓްރީ ކުރެވޭ ތަން ( ސެންސަރީ ރެޖިސްޓަރ)

·         މަޢުލޫމާތު ބޭނުން ކުރެވޭ ތަނާ (ވާރކިންގ މެމޮރީ)

·         މަޢުލޫމާތު ދިގު މުއްދަތަށް ރައްކައު ކުރެވޭ ތަން (ލޯންގް ޓާރމް މެމޮރީ)

   ސިކުނޑީގެ މަޢުލޫމާތު ރަޖިސްޓަރ ކުރާ ތަން (ސެންސަރީ ރެޖިސްޓަރ) ގައި، ދަރިވަރުންނަށް ކިޔަވައިދޭއިރު ޚާއްޞަކޮށްލެވޭ ތަފާތު މަޢުލޫމާތުތައް އޮޅުންފިލުވައިދިނުމުގައި ސަމާލުކަން ދެމެހެއްޓުމުގެ މުހިއްމުކަން ވަރަށް ބޮޑަށް މި މޮޑެލްގައި ބަޔާންކޮށްފައިވެއެވެ. އުނގެނުން މާނަ ހުރި އެއްޗަކަށްވަނީ ކުރިން އެނގިފައިވާ އެއްޗަކާއި އަލަށް އެނގޭ އެއްޗެހި ގުޅުވައިލާއިގެންނެވެ.

   މި ތިއަރީގެ ސަބަބުން ކުދިންގެ އުނގެނުން އިތުރަށް ފުރިހަމަކޮށްދެއެވެ. މިގޮތުން، ކުދިން އަމިއްލަ ވިސްނިމުން އެނގިފައިވާ ކަމަކާ ގުޅުވައިގެން ދަސްކޮށް، ކިޔައި މުރާޖަޢާކޮށް (ރިހާސަލް)، ތަފާތު ނަންނަން ދީގެން، ކަންކަމާއި ގުޅުވައިގެން (އެންކޯޑިންގ) އަދި ހަނދާނަން ގެނެސްގެން (ރިޓިރީވަލް) އުނގެނެއެވެ. މިއީ އެންމެ އާންމުކޮށް ކުދިން ބޭނުންކުރާ ގޮތްތަކެވެ. ހަމައެހެންމެ މިނޫން ގޮތްގޮތަށްވެސް ކްލާސްރޫމްގައި މިތިއަރީ ބޭނުންހިފިދާނެއެވެ.

   މި ތިއަރީގައި ދަރިވަރުންނަށް ކުރިން އެނގިފައިވާ މަޢުލޫމާތުތަކާއި ފަހުން އެނގޭ މަޢުލޫމާތު ގުޅުވައިގެން މަޢުލޫމާތުތައް  ފަރިތަކުރުމަށް މަގުފަހިކޮށް ދިނުމާއެކު މުހިއްމު ނުކުތާތައްދީ، ރޭވިގެން ތަރުތީބުން ގެންދެވޭ ބައިތަކެއްގެ ގޮތުގައި މަސްހުނިނުކޮށް ކިޔަވައިދެވެއެވެ. އަދިހަމައެހެންމެ ވާރކިންގ މެމޮރީއަށް މަޢުލޫމާތެއް ވަނުމަށްފަހު ހަނދާނަން ގެންނާނެ ތަފާތު ގޮތްތަކާ ގުޅުވައިގެން މަޢުލޫމާތުތައް ދަސްކުރުމަށް ފުރުޞަތުދެވޭކަންވެސް ފާހަގަކޮށްލެވެއެވެ.

ބިހޭވިޔަރަލް ލަރނިންގ ތިޔަރީ

ބިހޭވިއަރަލް ލާރނިންގ ތިއަރިސްޓުން ނުވަތަ ސްލޫކީ އުނގެނުމުގެ ނަޒަރިއްޔާތުގެ ޢިލްމުވެރިން ހާމަކުރާ ގޮތުގައި އުނގެނުމަކީ

 މާހައުލުން އުނގެނޭ ފަރާތަށް ކުރުވާ އަސަރެއްގެ ނަތީޖާގެ ސަބަބުން ބޭރު ފުށުން ހާމަވެ ފާޅުވާ ދާއިމީ ބަދަލެކެވެ. މި ތިޔަރީގެ މައިގަނޑު ޚިޔާލު ގުޅިފައިވަނީ  3 ކަމަކާއެވެ. އެއީ، ސްޓިމިއުލައި، ބިހޭވިއަރ އަދި ރެސްޕޯންސް އެވެ. އެހެންކަމުން، މި ތިޔަރީގައި އުނގެނުން ކަމުގައިވަނީ، އެއްފަހަރާ ސްޓިމިޔުލައިއަކާއެކު ބޭރުފުށުން ހާމަވާ ރެސްޕޯންސް ނުވަތަ ކަމެއް އުނގެނޭ ފަރާތުން ހާމަވުމެވެ. މި ނަޒަރިއްޔާތުގެ ޢިލްމުވެރިން ހާމަކޮށްފައިވާގޮތުގައި ކުއްޖާގެ އުޅުމަށް ބަދަލު ގެނުވޭ 2 ގޮތެއް ވެއެވެ. އެއީ، ކުލެސިކަލް ކޮންޑިޝަނިންގގެ ތެރެއިންނާއި އޮޕަރަންޓް ކޮންޑިޝަނިންގގެ ތެރެއިންނެވެ. ކުލެސިކަލް ކޮންޑިޝަނިންގއަކީ އިވާން ޕެވްލޯވު (1936-1946) ގެ ތަޖުރިބާތަކުން ތަޢާރަފުކޮށްފައިވާ މޮޑެލެކެވެ. މި މޮޑެލްގައި އަންގައިދެނީ ދެ ސްޓިމިއުލައިއެއް އެކަތި އަނެކައްޗާ ގުޅިގެން ފާޅުވާ ނަތީޖާ ނުވަތަ ރެސްޕޯންސް ހިނގާ ގޮތެވެ. އެހެންކަމުން، މި ރައްދުތައް ވެފައި ވަނީ މީހެއްގެ އަމިއްލަ ބާރު ހިނގުމެއް ނެތި ލާއިރާދީކޮށް އަންނަ ރައްދުތަކެއްގެގޮތުގައެވެ.ބީ އެފް ސްކިނަރ ތަޢާރަފު ކޮށްފައިވާ “އޮޕަރަންޓް ކޮންޑިޝަނިންގ” މި މަފުހޫމުގައި ވާ ގޮތުން، އުނގެނުން ބިނާވެފައި ވަނީ އެކަމަށް އަސަރުކުރުވާ ކަމެއްގެ ނަތީޖާއެއްގެ (ސީކުއެންސް) ސަބަބުންނާއި، އެކަމަށް އަސަރުކުރުވާ ކަންތައްތަކެއްގެ (އެންޓިޑިސިޑެންޓްސް) ސަބަބުންނެވެ. އެގޮތުން، އުނގެނުމަށް އަސަރުކުރުވާ ކަންތައްތަކުގެ    ތެރޭގައި ތަރުހީބު ދިނުމާއި، އަދަބު ދިނުން ހިމެނެއެވެ

ބިހޭވިޔަރިސްޓުން ނުވަތަ ސްލޫކީ އުނގެނުމުގެ ނަޒަރިއްޔާތުގެ ޢިލްމްވެރިން ހާމަކުރާގޮތުގައި ދަރިވަރުންނަށް އުނގަންނައި ދިނުމުގައި މި ތިޔަރީގެ ބޭނުންތެރިކަން ވަރަށް ބޮޑެވެ. އެގޮތުން، މި ތިޔަރީގެ އެހީގައި ކުލާސްރޫމުގައި ކުދިންގެ އުނގެނުން ކުރިއަށް ގެންދެވިދާނެ ނުވަތަ ދަރިވަރުންގެ ކިބައިގައި ހުންނަ އުނގެނުމުގެ ސްލޫކަށް ހިތްވަރު ދިނުމުގެ ގޮތްތަކެއްގެ ޚިޔާލު ހުށަހަޅައިފައިވެއެވެ. އޭގެތެރޭގައި، ދަރިވަރުންނަށް ސަމާލުކަން ދިނުމާއި، އެ ކުދިން ކުރާ ކަންތައްތަކަށް ތަޢުރީފު ކުރުމާއި، ޕްރިމެކް ޕްރިންސިޕަލްއާއި، ބައްޓަން ކުރުމާއި،ޕޮޒިޓިވް ޕްރެކްޓިސް ހިމެނެއެވެ.